នៅពេលដែលលោក លោកស្រីពិចារណាក្នុងការលក់អចលនទ្រព្យសូមលោក លោកស្រីពិចារណានៅចំណុចណែនាំដូចខាងក្រោម៖ 

នៅពេលដែលតម្លៃលក់ត្រូវបានកំណត់ ភ្នាក់ងារអចលនទ្រព្យ នឹងធ្វេីការស្នើសុំចុះកិច្ចសន្យាតំណាងអ្នកលក់ កិច្ចសន្យានោះចែកចេញពីរប្រភេទមានដូចខាងក្រោម៖

      ការចុះកិច្ចសន្យាតំណាងលក់ផ្តាច់មុខ ភ្នាក់ងារអចលនទ្រព្យ នឹងធ្វេីការផ្សព្វផ្សាយយ៉ាងសកម្ម ដេីម្បីធ្វេីយ៉ាងណាលក់អចលនទ្រព្យនោះអោយឆាប់ដាច់បំផុតដែលអាចធ្វេីបាន។

      ការចុះកិច្ចសន្យាតំណាងលក់មិនផ្តាច់មុខ ភ្នាក់ងារអចលនទ្រព្យ នឹងមិនធ្វេីការផ្សព្វផ្សាយ អោយទូលំទូលាយនោះទេព្រោះខ្លាចម្ចាស់អចលនទ្រព្យអាចស្នើសុំឱ្យភ្នាក់ងារជាច្រើនទៀតជួយ

      លក់ផងដែរ។

    នៅពេលដែលភ្នាក់ងារលក់មានអតិថិជនដែលមានចំណាប់អារម្មក្នុងការទិញ ភ្នាក់ងារនិងរៀបចំលិខិតផ្តល់តម្លៃ (Letter of offer ) ដែលអ្នកទិញផ្តល់អោយ បន្ទាប់មកដំណេីរការចរចារត្រូវបានចាប់ផ្តេីម នៅពេលដែលអ្នកលក់ និងអ្នកទិញបានព្រមព្រៀងលេីតម្លៃទិញលក់រួចហេីយ ភ្នាក់ងារអចលនទ្រព្យ និងរៀបចំកិច្ចសន្យាកក់ប្រាក់ ឬកំណត់ពេលវេលាចុះកិច្ចសន្យាទិញលក់តែម្តង លក្ខខណ្ឌផ្សេងទៀតដែលត្រូវពិភាក្សាគ្នាមានដូចជា របៀក្នុងការទូទាត់ប្រាក់ ការផ្ទេរសិទ្ធកាន់កាប់ ការទទួលខុសត្រូវក្នុងការចំណាយ និងពេលវេលាជាក់លាក់ក្នុងការប្រគល់ ទទួលអចលនទ្រព្យ ហេីយក៏អាចមានលក្ខខណ្ឌផ្សេងៗទៀតផងដែរ។ 

    នៅពេលដែលអ្នកលក់ និងអ្នកទិញ ចុះហត្ថលេខា និងផ្តិតមេដៃលើកិច្ចសន្យាទិញ លក់អចលនៈទ្រព្យរួចហើយ អ្នកទិញត្រូវបង់ប្រាក់ដំណាកាលទី១ ទៅឱ្យអ្នកលក់តាមកិច្ចសន្យាដែលបានកំណត់។ បន្ទាប់មកភាគីនីមួយៗត្រូវអនុវត្តសិទ្ធិ នឹងកាតព្វកិច្ចរៀងៗខ្លួនស្របតាមកិច្ចសន្យាទិញ លក់នោះ ប្រសិនបើមានការរំលោភបំពានណាមួយលេីកិច្ចសន្យា ការពិន័យអាច នឹងកើតមាន។ ក្នុងរយះពេលនេះប្រសិនបេីលោក លោកស្រីមានចំងល់ត្រង់ចំណុចណាមួយអាចសួរទៅកាន់ភ្នាក់ងារអចលនៈទ្រព្យបានគ្រប់ពេល។

ការប្រគល់ទទួលអចលនទ្រព្យ នឹងត្រូវធ្វេីឡេីងនៅពេលដែលការទូទាត់ប្រាក់ចុងក្រោយត្រូវបានបញ្ចប់។

ការទូទាត់ចុងក្រោយ និងការប្រគល់ទទួលត្រូវធ្វេីឡេីងដូចខាងក្រោម៖

    -  សូមត្រួតពិនិត្យ និងបញ្ជាក់អោយច្បាស់ថា វិក័យបត្រទឹក ភ្លេីង អីនធឺណែត ខ្សែកាប់ និងវិក័យបត្រផ្សេងៗត្រូវបានទូទាត់រួចរាល់ ហេីយទ្រព្យសម្បត្តិទាំងឡាយដែលនៅជាប់ព្រំអ្នកជិតខាងត្រូវបានបែងចែកច្បាស់លាស់ ដើម្បីងាយស្រួលក្នុងការរុះរើ ឬធ្វេីការជួសជុល។

    -  ការចំណាយខាងលេីអាចជាបន្ទុករបស់អ្នកលក់ ឬអ្នកទិញអាស្រ័យលេីការព្រមព្រៀងពីដំបូងរវាងអ្នកលក់ និងអ្នកទិញ។