ភ្នំពេញៈ ក្រុមហ៊ុនផ្តល់សេវាហិរញ្ញវត្ថុតាមកិច្ចសន្យាលើកដំបូងនៅកម្ពុជាមានផែនការពង្រីកអាជីវកម្មរបស់ខ្លួននៅក្នុងចំណែកទីផ្សារកម្ពុជាពី១៥ទៅ៤៥ភាគរយឆ្នាំនេះសម្រាប់ផ្ដល់ប្រាក់ទិញម៉ូតូ។លោក Mitsuji Konoshita ប្រធានក្រុមហ៊ុនហិរញ្ញវត្ថុ Group Lease ជាក្រុមហ៊ុនធំនៅប្រទេសថៃបានឲ្យដឹងថា GL មានគម្រោងធ្វើដូចនោះតាមរយៈការបង្កើនសមាជិករបស់ខ្លួនក្នុងចំណោមសាខាជាច្រើននៅទីនេះចាប់ពី១១ ទៅដល់៣៦កន្លែង។ លោក Christophe Forsinetti នាយកប្រតិបត្តិរបស់ក្រុមហ៊ុនហិរញ្ញវត្ថុ GLបានថ្លែងថាការពង្រីកនេះនឹងចាប់ផ្ដើមពីខែកក្កដាឆ្នាំនេះហើយសាខាជាច្រើននឹងបន្តផ្ដល់លុយដើម្បីទិញម៉ូតូហុងដា ដែលបច្ចុប្បន្នជាដៃគូរបស់ខ្លួន។ មិនដូចការខ្ចីប្រាក់ពីធនាគារនោះទេកិច្ចសន្យាហិរញ្ញវត្ថុជាទូទៅអតិថិជនខ្ចីប្រាក់ដើម្បីយកទិញម៉ូតូ ហើយត្រូវបង់រំលស់ប្រចាំខែទៅតាមកិច្ចសន្យា។ គ្មានការដាក់វត្ថុបញ្ចាំទេ តែម៉ូតូដែលអតិថិជនទិញនោះស្ថិតនៅជាកម្មសិទ្ធិរបស់ក្រុមហ៊ុននឹងក្លាយជាម្ចាស់កម្មសិទ្ធិរបស់អតិថិជននៅពេលបង់ប្រាក់រំលស់ចប់។ លោក Forsinetti ថ្លែងថា៖ «នៅចុងបញ្ចប់នៃកិច្ចសន្យាហិរញ្ញវត្ថុនេះយើងគ្រាន់តែផ្លាស់ប្តូរម្ចាស់ម៉ូតូហើយវានឹងជាកម្មសិទ្ធិរបស់អតិថិជន»។ លោកបានបន្តថា ក្រុមហ៊ុនហិរញ្ញវត្ថុGL បច្ចុប្បន្ននេះបម្រើអតិថិជន២០០នាក់ក្នុងមួយខែអតិថិជនទាំងអស់នោះសុទ្ធតែជាប្រជាជនកម្ពុជាហើយហិរញ្ញវត្ថុនេះអាចទិញបានម៉ូតូដល់ទៅ១០០ គ្រឿង។ GL ទទួលអាជ្ញាប័ណ្ណពីធនាគារជាតិនៃកម្ពុជាកាលពីខែឧសភា ឆ្នាំមុន។ លោក ជួប វាសនា នាយកអភិវឌ្ឍន៍ផលិតផលរបស់គ្រឹះស្ថានមីក្រូហិរញ្ញវត្ថុប្រាសាក់និយាយថាធនាគារអាចផ្ដល់ប្រាក់កម្ចីទិញម៉ូតូរយៈពេលវែងរហូតដល់ទៅ៥ឆ្នាំ៕ PB [Resource: ភ្នំពេញប៉ុស្តិ៍]
