កម្ពុជាបានចេញអាជ្ញាប័ណ្ណដល់គម្រោងវិនិយោគក្នុងស្រុក និងបរទេសចំនួន ១៥៧ ធ្វើឲ្យទំហំទឹកប្រាក់វិនិយោគមាន ២,២៨ ពាន់លានដុល្លារនៅឆ្នាំ ២០១២ កន្លងទៅ។ នេះបើតាមរបាយការណ៍ពីក្រុមប្រឹក្សាអភិវឌ្ឍកម្ពុជា (CDC) ចេញនៅថ្ងៃអង្គារកន្លងទៅ។ការវិនិយោគពីក្រុមហ៊ុនក្នុងស្រុកមានរង្វង់ទឹកប្រាក់ខ្ពស់ជាងគេគឺ ៩០៧ លានដុល្លារ ខណៈការវិនិយោគពីកូរ៉េខាងត្បូងមាន ២៨៧ លានដុល្លារ ចិន ២៦៣ លានដុល្លារ និងជប៉ុន ២១២ លានដុល្លារ។ វិនិយោគក្នុងស្រុកផ្ដោតជាសំខាន់លើរោងចក្រកាត់ដេរ រោងចក្រផលិតស្បែកជើង រោងចក្រដំឡូងមី រោងម៉ាស៊ីនកិនស្រូវ និងរមណីយដ្ឋានកែច្នៃទេសចរណ៍។ ការវិនិយោគរបស់កូរ៉េខាងត្បូង គឺទៅលើសំលៀកបំពាក់ ប្រដាប់ប្រដាក្មេងលេង ការដំឡើងបរិក្ខារអគ្គិសនី ការកែច្នៃដំឡូងមី និងរោងចក្រជីវឧស្ម័នអេតាណុល។ ចិនវិនិយោគច្រើនទៅលើវិស័យកាត់ដេរ គ្រឿងសង្ហារិម និងម៉ាស៊ីនកិនស្រូវ ស្របពេលដែលជប៉ុនវិនិយោគទៅលើផ្សារទំនើប វិស័យកាត់ដេរ និងសម្ភារៈអគ្គិសនី។ ក្រៅពីប្រទេសទាំងបីខាងលើមានប្រទេសជាច្រើនទៀតដែលវិនិយោគនៅកម្ពុជារួមមាន អាមេរិក កាណាដា ម៉ាឡេស៊ី វៀតណាម សិង្ហបុរី ថៃ ចក្រភពអង់គ្លេស និងប្រទេសជាច្រើនទៀត៕ ប្រែសម្រួល៖ Zac ប្រភព៖ Xinhua
