ភ្នំពេញ: មន្ត្រីក្រសួងរៀបចំដែនដីនគរូបនីយកម្មនិងសំណង់និងអាជ្ញាធររាជធានីភ្នំពេញបានឆ្លើយដាក់គ្នាទៅវិញទៅមកករណីអគារកម្ពស់៤២ជាន់Gold Tower ដែលកំពុងផ្អាកការសាងសង់មិនបានដាក់ភ្លើងបំភ្លឺនៅពេលរាត្រី។ លោក ឡុង ឌីម៉ង់អ្នកនាំពាក្យសាលារាជធានីភ្នំពេញបានប្រាប់ថា តាមធម្មតារាល់សំណង់ទាំងអស់ដែលមានផ្ទៃក្រឡាសាងសង់ចាប់ពី៣០០០ម៉ែត្រការ៉េឡើងទៅត្រូវស្នើសុំការអនុញ្ញាតសាងសង់ពីក្រសួងរៀបចំដែនដី នគរូបនីយកម្មនិងសំណង់ប៉ុន្តែអគារដែលផ្ទៃក្រឡាក្រោម៣០០០ម៉ែត្រការ៉េ គឺស្ថិតក្រោមសមត្ថកិច្ចរបស់សាលារាជធានីភ្នំពេញ។ លោកថ្លែងថា៖«ការដាក់ភ្លើងបំភ្លឺ ឬណែនាំម្ចាស់សំណង់គឺជាសមត្ថកិច្ចរបស់ក្រសួងដែលត្រូវណែនាំឲ្យម្ចាស់សំណង់ដាក់ភ្លើងបំភ្លឺនៅពេលរាត្រី ព្រោះមិនមែនជាសមត្ថកិច្ចរបស់អាជ្ញាធររាជធានីទេ»។លោកបន្តថា៖«កន្លងមកមានសាធារណជនសរសេរលិខិតចូលមកគេហទំព័ររបស់សាលារាជធានីដើម្បីទិតៀនបញ្ហានេះប៉ុន្តែយើងមិនអាចធ្វើបានទេ ព្រោះវាស្ថិតតែនៅក្រោមសមត្ថកិច្ចរបស់ក្រសួងរៀបចំដែនដីនគរូបនីយកម្ម និងសំណង់»។ លោកបេងហុងសុជាតិខេមរ៉ូអ្នកនាំពាក្យក្រសួងរៀបចំដែនដីនគរូបនីយកម្មនិងសំណង់បានច្រានចោលការលើកឡើងខាងលើដោយលោកមានប្រសាសន៍ថាការងារនេះជាសមត្ថកិច្ចរបស់អាជ្ញាធររាជធានីពីព្រោះក្រសួងគ្រាន់តែជាអ្នកចេញច្បាប់អនុញ្ញាតឲ្យសាងសង់តែប៉ុណ្ណោះចំណែកការគ្រប់គ្រងការដ្ឋានសំណង់ជាសមត្ថកិច្ចរបស់អាជ្ញាធរដែនដី។ លោកថ្លែងថា៖«អ្នកកាសែតគួរស្រាវជ្រាវសិនមុនសួរបញ្ហានេះថា តើការងារនេះស្ថិតក្រោមសមត្ថកិច្ចរបស់អាជ្ញាធរណាខ្ញុំមិនមានពេលឆ្លើយគ្រប់រឿងបែបនេះទេ»។ លោក Paul Vincentអ្នករស់នៅអាផាតមិន កម្ពស់៦ជាន់ស្ថិតនៅផ្លូវសុធារសបានរិះគន់អាជ្ញាធរក្រុងដែលមិនបានណែនាំឲ្យមានការដាក់ភ្លើងបំភ្លឺនៅអគារ Gold Tower កម្ពស់៤២ជាន់នោះថា៖«ខ្ញុំអាចមើលឃើញអគារនេះពីកន្លែងខ្ញុំស្នាក់នៅ។ Gold Tower ៤២ ជាអគារដែលខ្ពស់ជាងគេនៅរាជធានីភ្នំពេញ ប៉ុន្តែមានសភាពងងឹតពេលរាត្រី»។ លោកអះអាងថា៖«នៅទីនោះមិនមានដាក់ភ្លើងបំភ្លឺទេហើយខ្ញុំជឿថា វាអាចនឹងមានបញ្ហាមិនល្អកើតឡើងជាមិនខានប្រសិនបើគេមិនដាក់ភ្លើងបំភ្លឺ Thursday, 11 April 2013 ស៊ីវ ម៉េង Source : Phnom Penh Post
