បន្ទាប់ពីវិស័យ សេដ្ឋកិច្ចនៅកម្ពុជាបានរីកចម្រើនយ៉ាងឆាប់រហ័សរួចមកគេសង្កេតឃើញថា នាពេលបច្ចុប្បន្ននេះមានសំណង់អគារជាច្រើនបានកើតឡើងនៅកម្ពុជា ជាពិសេសរាជធានីភ្នំពេញ។ ដោយមើលឃើញភាពរីកចម្រើនឆាប់រហ័សនេះទើបក្រុមហ៊ុនរាជហ្គោល សហការជាមួយសមាគមអ្នកវាយតម្លៃ និងភា្នក់ងារអចលនវត្ថុកម្ពុជា និងក្រសួងពាក់ព័ន្ធមួយចំនួនដូចជាក្រសួងពាណិជ្ជកម្ម និងក្រសួងរៀបចំដែនដី នគរូបនីយកម្ម និងសំណង់ ដើម្បីរៀបចំព្រឹត្តិការណ៍តាំងពិព័រណ៍ដែលមានឈ្មោះថា ពិព័រណ៍អចលនទ្រព្យ និងសំណង់កម្ពុជា។ ពិព័រណ៍នេះត្រូវបានរៀបចំឡើងកាលពីព្រឹកថ្ងៃចន្ទ ទី៨ ដល់ថ្ងៃទី១០ ខែមេសា កន្លងមក នៅមជ្ឈមណ្ឌលសន្និបាត និងពិព័រណ៍កោះពេជ្រ ដោយមានក្រុមហ៊ុនមកពីប្រទេសចំនួន៣០ចូលរួម និងមានស្តង់ចំនួន១៣០។ ប្រទេសដែលចូលរួមនៅក្នុងព្រឹត្តិការណ៍នេះមានដូចជា វៀតណាម ចិន ម៉ាឡេស៊ី និងថៃ ជាដើម៕ (រូបថត ហុង មិនា)
